М. Қозыбаев атындағы СҚМУ 14 жыл бойы өз қабырғаларында Сапа апталығын өткізеді. 2019 жылы ол 18-23 қараша аралығында өтеді және білім беруді цифрландыруға арналады. Ол әр факультетте 25-тен астам іс-шараларды қамтиды: дөңгелек үстелдер, семинарлар, шеберлік сыныптары, конкурстар және т.б. Олардың барлығы жаңа біліммен танысуға, білім беру процесінде инновациялық әдістер мен технологиялардың қолданылуын көруге мүмкіндік береді.
Сапа апталығының ашылу күнінде ТӘЖҚ факультеті «Кәсіпқойлар лигасы- қол жетімділік» атты аймақтық ғылыми-практикалық конференция өткізді. Онда журналистика кафедрасының ПОҚ және студенттерінің қатысуымен танымал журналистер, блогерлер, облыстық мұрағат қызметкерлері, сонымен қатар магистранттар IT-технологияларды қолдана отырып, журналистикада қоғамдық пікірді басқару тәсілдерін талқылады.
Спикерлер өздерінің блог жүргізу тәжірибелерімен бөлісті, олардың мазмұнын құру, оны монетизациялау, жарнама берушілермен жұмыс жасау құпиялары, сонымен қатар қазіргі заманғы БАҚ бұқаралық санаға әсер ету процестері туралы айтып берді.
Сонымен қатар, «Журналистика» кафедрасының оқытушылары қала мектеп оқушыларына арналған «Абай оқулары-2019» байқауы ұйымдастырды. Оқушылар өздерінің сүйікті ақындарының өлеңдерін мәнерлеп оқыды, жиналған қауым қазақтың ұлы ақыны мұрасын тереңірек талқылады.
