Солтүстік Қазақстан мемлекеттік университеті - 38 ұлттың өкілдері білім алатын бір үлкен отбасы. Армяндар - М. Қозыбаев ат. СҚМУ студенттерінің саны бойынша алғашқы ондыққа кіретін көп тараған этностардың бірі. Қазақстан халқы Ассамблеясының 25 жылдығына арналған армян мәдениеті күндері аясында, 2019 жылдың 3 желтоқсанында, «Қазақстан халқы Ассамблеясы» кафедрасында университет студенттері мен «Кентрон» Солтүстік Қазақстан армян орталығының өкілдерімен кездесу болды, онда «Солтүстік Қазақстанның армяндары» кітабының тұсаукесері өтті. Кездесуге қатысушылар Арменияның тарихы мен мәдениетімен, әлемнің, Қазақстан мен Солтүстік Қазақстан облысының атақты армяндарының өмірбаянымен танысты. «Кентрон» Солтүстік Қазақстан армян мәдени орталығы төрағасының орынбасары С. Малхасян студенттерді армян халқының тілін, салт-дәстүрін сақтау орталығының қызметімен, № 17 ұлттық жаңғырту орта мектебінің армян ұлттық бөлімінің жұмысымен таныстырды. Отырысқа қатысқан студенттер өздерінң отбасыларының Армениядан Қазақстанға көшіп, екінші отандарын тапқаны жайлы бөлісті. Студенттер орталықтың іс-шараларына қатысуға қызығушылықтарын білдірді.
2019 жылғы 5 желтоқсанда «Ашық сахна», ұлттық қолданбалы өнер мен армян ұлттық тағамдарының көрмесі өтті.
«Халықтану» және «Қазақстан этностары мен діндері: тарихы мен қазіргі заманы» атты интерактивті оқу дәрістері аясында университет студенттеріне армяндар мен олардың діни нанымдары туралы 3 тілде дәрістер оқу жоспарланған.
ЖОО-ның Солтүстік Қазақстан облыстық Қазақстан халқы Ассамблеясының этномәдени бірлестіктерімен өзара іс-қимылды күшейту жөніндегі жаңа тұжырымдамасының арқасында студенттер этникалық сәйкестендіру, белгілі бір этникалық топ өкілдерімен қарым-қатынас жасауға, өзінің бірегей мәдениетін кең аудиторияға ұсынуға мүмкіндік алады.
