10 желтоқсан 2019 жыл Жастар жылының қорытындысын шығару және еріктілер жылының тұсаукесері күні ретінде ел тарихында қалады. Біздің университет атынан "Sanaly urpaq" жобалық кеңсесінің офицері, "Журналистика" мамандығының магистранты Богдан Петров және жас кәсіпкер, 2 курс студенті Жанат Кәкімов қатысты.
Қазақстанның барлық аймақтарындағы ең жарқын және талантты жастардың өкілдері астаналық ЭКСПО-қалашығының павильондарының бірінде жиналды. Мұнда 2019 жылы еліміздің өсіп келе жатқан ұрпағы жетістіктерінің үлкен көрмесі ашылды.
Мемлекет Басшысы Қасым-Жомарт Тоқаев және салалық ведомстволардың басшылары қатысушылармен бірге Жастар жылының қорытындыларын шығарды. Қазақстан студенттер альянсының көшбасшысы, "Жас кәсіпкер" және "Бастау бизнес" бағдарламасы аясында өз ісін ашқан бастаушы кәсіпкерлер, "Дипломмен - ауылға" бағдарламасына қатысушылар және тәжірибелі еріктілер өздерінің жұмыстары туралы айтып берді.
Іс-шара барысында еріктілер жылының эмблемасы таныстырылды және алдағы 12 айда жұмыс істейтін бағыттар таныстырылды.
Қ. Тоқаев өз сөзінде өткен жылдың жобаларына, қол жеткізілген нәтижелерге ерекше тоқталып, өзекті мәселелерді көтерді және перспективаларды белгіледі. Мемлекет басшысының айтқан басты жаңалығы ЖОО-лар мен колледждердің студенттеріне, магистранттарына және докторанттарына шәкіртақы 25%-ке көтеру, ақылы негізде оқитындар үшін арнайы көтермелеу жүйесін әзірлеу болды. Зал ду қол шапалақпен Президенттің әр бастамасын қолдады. Сонымен қатар, қатысушыларға заманауи өңдеудегі "Көзімнің қарасы" әнінің жаңа нұсқасы ұсынылды, оны танымал қазақстандық рэпер Интроверт орындады.
Соңында барлық қатысушылар Президентпен естелік селфиге түсті. Осы фото қазіргі таңда Қазнеттегі ең танымал бейнелердің біріне айналды.
