Елордада "Birlik" Қазақстан волонтерлері форумының бірінші күні өтуде. Оған М.Қозыбаев атындағы СҚМУ өкілдері - Богдан Петров, Наталья Перминова, Жәмиля Тұяқбай және Әлфараби Мыңбай қатысады.
Түске дейін форумға қатысушылар білім беру, корпоративтік, экологиялық волонтерлікке арналған алаңдарда Қазақстанның ерікті қозғалысы көшбасшыларының дәрістерін тыңдады және "Ерекше актер театры" мастер-классына қатысты.
Түстен кейін қатысушыларды одан да қызықты бағдарлама күтіп тұрды. Мұнда "Ынтымақтастық және корпоративтік волонтерлікті дамыту перспективалары", "Волонтерлікті қолдаудың мемлекеттік стандарттары", "Балалар үйлерімен өзара іс - қимылды ұйымдастыру" жұмыс топтарының отырыстары өтті, денсаулық сақтау, ТЖ және еңбек ардагерлері мен зейнеткерлері категорияға жататын волонтерлік бағыттарында өзара іс-қимылы салаларындағы тәжірибе талқыланды.
Қазіргі уақытта форумның салтанатты ашылу рәсімі өтіп жатыр. Оның барысында "Қазақстанның үздік еріктісі - 2019" байқауының жеңімпаздары марапатталды және биылғы жылы жүзеге асырылған бірқатар жобалардың қорытындысы шығарылды.
Жалпы Форум екі күнге созылады. Ертең қатысушыларды мазмұнды бағдарлама күтуде. Қатысушылар медиа, әлеуметтік, инклюзивтік еріктілікттуралы пікір алмасады,еріктілерді уәждеу тәсілдерін және осы салада IT-технологияларды пайдалануды талқылайды. Іс-шара Қазақстанның барлық аймақтарында ашылған волонтерлікті қолдау орталықтарының тұсаукесерімен және мүмкіндігі шектеулі адамдарға арналған "#Erekshe teatr" театрының ерекше әртістерінің орындауында "Бұлттардың арғы бетінде" мюзикліне барумен аяқталады.
