М. Қозыбаев атындағы СҚМУ-дың делегациясы кәсіптік бағдар беру науқанымен 10 және 11 желтоқсанда Аққайың және Мамлют аудандарында болып қайтты. Смирново және Мамлют ауылдарындағы кездесулерге факультет, қабылдау комиссиясының өкілдері және студенттер қатысты.
Академиялық мәселелер жөніндегі проректор м. а. Жанар Таласпаева сөз сөйлеп,түлектерді құттықтады. Ол университет туралы және біздің білім алушыларымыздың мүмкіндіктері туралы қысқаша ақпарат берді. Бүгінгі таңда ЖОО бакалавриаттың 60 білім беру бағдарламасы, 33 магистратура және 6 докторантура бойынша дайындық жүргізеді.
Университет "Атамекен" ҰКП рейтингісінде еліміздің үздік жоғары оқу орындарының ондығына кіргендігі жайлы да айтып кетті. Іс-шарада оқушылар университеттің жетістіктерімен, кадрларды даярлаудың үш деңгейлі жүйесімен танысты. Ресми сайт www.nkzu.kz арқылы талапкерлерге қажетті мәліметтерді қалай алуға болатынын білді.
Студенттер өздерінің шығармашылықтарымен бөлісіп, талапкерлер мен көрермендерге концерттік бағдарлама ұйымдастырды. Жүргізушілер би баттлдар мен конкурстар өткізіп, жеңімпаздар мен белсенді қатысушылар альма-матерден сыйлықтар алды. Аққайың және Мамлют аудандарында кәсіптік бағдар беру іс-шараларына 200-ден астам оқушы қатысты.
