М. Қозыбаев атындағы СҚМУ-дың «25 игі іс» науқаны аясында Қазақстан халқы Ассамблеясының 25-жылдығы мен Алғыс күніне орай, «Қазақстан халқы Ассамблеясы» кафедрасы 2019 жылы 11 желтоқсанда медицинаның жоғары мектебімен, агротехнологиялық факультетімен, «Герман-роман филологиясы» кафедрасымен, ЖОО волонтерлерімен, «Nur Otan» Солтүстік Қазақстан облыстық филиалының «Болашақ» филиалымен бірлесе отырып, Петропавл қаласында 20 жыл бұрын Ш.Т. Шақшақбаевпен ашылған «Арман» әлеуметтік қызмет көрсету орталығының оқушыларымен кездесу ұйымдастырды.
Балалар орталығының тәрбиеленушілері үшін студенттер үнді халық билері, «сиқырлы» шоу, қазақ ұлттық ойындарының: асық және тоғызқұмалақ бойынша шеберлік-классын дайындады. Іс-шара қазақ, орыс және ағылшын тілдерінде өткеніне қарамастан, кездесуге қатысушылардың барлығы бір-бірін түсінді.
Үндістаннан келген жоғары медицина мектебінің студенті Тэйлор Раульдің «сиқырлы» шоуының ғажайыптарынан басқа, балалар университеттің агротехнологиялық факультетінде «Серпін» бағдарламасы бойынша оқып жатқан Қызылорда облысының тумасы Іздібай Бекарыстың 13 жыл бойы жинаған бір қап асықтарын балаларға сыйлағаны таң қалдырды.
Ең құнды нәрсе – студенттер өз жүректерінің жылуын, қамқорлық пен назарын қайырымды істер шеруіне риясыз жіберді.
