М. Қозыбаев атындағы СҚМУ-да педагогикалық мамандықтарға арналған бос орындар жәрмеңкесі өтті. Оны өткізудің мақсаты ағымдағы жылдың түлектерін жұмысқа орналастыруға жәрдемдесу болды.
Қатысуға СҚО Білім басқармасының, қалалық халықты жұмыспен қамту орталығының қызметкерлері, Петропавл қаласы мен Солтүстік Қазақстан облысының мектептері мен балабақшаларының директорлары шақырылды.
Іс-шараны академиялық мәселелер жөніндегі проректордың м. а. Жанар Таласпаева ашты. М.Қозыбаев атындағы Солтүстік Қазақстан мемлекеттік университетін 2020 жылы 1844 студент аяқтайды, оның ішінде 315- і күндізгі оқу нысанының педагогикалық мамандықтары бойынша, 102- і "Серпін" бағдарламасы бойынша. Студенттер үшін әлеуетті жұмыс берушілермен жанды қарым-қатынас үлкен перспективалар ашады, еңбек жағдайлары туралы толығырақ білуге мүмкіндік береді.
Қазір жұмысқа орналасу мәселесі жас мамандар үшін өзекті болып табылады. Әрбір жұмыс беруші қызметкерлерді тұрғын алаңмен, лайықты жалақымен, сауатты әдістемелік көмекпен, тәлімгерлікпен қамтамасыз ете алмайды.
Дегенмен, жергілікті атқарушы органдар "Дипломмен-ауылға" бағдарламасына қатысушылар үшін жағдайды жақсартуда. Мысалы, өткен жылмен салыстырғанда ауылдық жерлерге жұмыс істеуге жіберілген жас мұғалімдерге арналған көтерме жәрдемақы 252 500 теңгеге дейін өсті. Сонымен қатар, жеңілдетілген кредит беру жұмыс істейді, көптеген елді мекендерде жас мамандарға ведомстволық тұрғын үй беріледі.
Бұл күні жәрмеңкеде 30-дан астам білім беру ұйымдары өз бос жұмыс орындарын ұсынды.
