Университет қызметкерлері кәсіптік бағдар беру мақсатында Жәлел Қизатов атындағы Есіл ауыл шаруашылық колледжіне барды. Кездесуге оқу орнының студенттері, олардың ата-аналары мен оқытушылары қатысты.
Жиналғандар М. Қозыбаев атындағы СҚМУ білім беру бағдарламаларымен, грант бойынша оқуға мүмкіндіктерімен, академиялық ұтқырлықпен және жұмысқа орналасуымен танысты.Сонымен қатар, альма-матер өкілдері ЖОО-ға түсу ережелері мен құжаттарды дайындау, қабылдау мәселелері бойынша кеңес беріп, университет туралы ақпараттық баспа материалдарын ұсынды.
Агротехнологиялық факультеттің ұстаздары өздерінің мамандықтары туралы айтып берді. Болашақ агрономдар, технологтар мен орманшылар жыл сайын өндірістік тәжірибе мен оқуға семестр бойы Қытайға, Ресейге, Германияға, Польшаға және басқа да елдерге барады. Сонымен қатар, факультет Eurasia Group Kazakhstan-мен жұмыс істейді, бұл студенттерге түрлі конкурстарға қатысуға, Қазақстанның ірі қалаларында: Шымкент, Қызылорда және Семей қалаларында жүлделер алуға және өз білімін арттыруға мүмкіндік береді. Іс-шара соңында кәсіптік бағдар беру делегациясының қатысушылары аудиторияның сұрақтарына жауап берді.
