20 мен 24 қаңтар аралығында М. Қозыбаев атындағы СҚМУ делегациясы Түркістан облысының ауылдық мектептерінде болды. Агротехнология және Foundation факультетінің декандары, оқу орындарының директорлары мен оқытушыларына, аудандық білім бөлімдерінің өкілдеріне «Серпін» бағдарламасы бойынша біздің алма материядағы білім беру мүмкіндіктері туралы ақпарат берді. Былтыр бұл университетке 500 бюджеттік орын бөлінген.
Айта кетейік, 2019 жылы М. Қозыбаев атындағы СҚМУ «Серпін» бағдарламасы бойынша оқыған 245 адам бітірді. Олардың 70% жұмыспен қамтылған. Жас мамандар Солтүстік Қазақстан облысының Тайыншы, Есіл, Жамбыл, Мамлют, Ақжар аудандарында және Петропавлда жұмыс істейді.
Барлығы, М. Қозыбаев атындағы Солтүстік Қазақстан мемлекеттік университетінде «Серпін» бағдарламасы бойынша 33 ауылшаруашылық, техникалық және педагогикалық мамандық бойынша 968 студент оқиды. Жастар ғылыми, спорттық және мәдени жұмыстарға қатысады. Оларға шәкіртақы, жатақханалар қарастырылған.
Еске салайық, біздің университетте «Серпін» бағдарламасы бойынша оқыту 2014 жылдан бастап өткізіліп келеді. Жоба Алматы, Жамбыл, Қызылорда, Түркістан және Маңғыстау облыстарының жастарына бағытталған және Қазақстан Республикасының жұмыс күші жетіспейтін аймақтарында кадрлармен толықтыруды көздейді және Солтүстік Қазақстан облысында түлектердің жұмысқа орналасуын қамтамасыз етеді.
