СҚО сыбайлас жемқорлыққа қарсы қызмет департаментінің "Antikor Ortalygy" баспасөз орталығында "Академиялық адалдық мәдениеті" тақырыбында брифинг өтті. Оған М. Қозыбаев атындағы СҚМУ ректорының м.а. Ербол Исақаев қатысты. Университеттің сыбайлас жемқорлыққа қарсы қызметі туралы ақпаратпен бөлісті. Қазіргі уақытта емтихандардың 90% жазбаша түрде тапсырылады. Объективті бағалау үшін білім алушылардың жұмыстарын (яғни емтихан алушының өзі ғана емес, сондай-ақ осы саладағы басқа да маман) тоғыспалы тексеру рәсімі енгізілді. Қысқы сессия кезінде студенттер қатарынан 23 еріктілер академиялық адалдық ережелерінің сақталуын қадағалады.
"2014 жылдан бастап университетте "Оқытушы студенттер көзімен" ай сайынғы сауалнама енгізілді. Студенттердің оқу сабақтарына қатысу пайызы 70% - дан қазіргі уақытта 88% - ға дейін жеткізілді", - деді Ербол Исақаев.
Біздің университет ҚР Академиялық адалдық лигасын құрудың бастауында тұрды,оған еліміздің тек 11 жоғары оқу орны ғана кіреді. Қазақстанда алғашқылардың бірі болып өзінің академиялық саясаты мен академиялық адалдық ережелерін жасап, енгізді. Әдеп жөніндегі комиссияның шешіміне сәйкес соңғыларын бұзғаны үшін 5 оқытушы мен 4 білім алушы жауапқа тартылды.
Қазіргі таңда ректордың блогы, сенім телефоны жұмыс істейді. Корпустарда орнатылған сенім жәшіктері арқылы 12 өтініш келіп түсті, олардың барлығы сыбайлас жемқорлық фактілеріне қатысты болған жоқ. Парасаттылық мектебі, студенттерге қызмет көрсету және тіркеу орталығы, "Sanaly urpaq" жобалық кеңсесі жұмыс істейді.
2018-2019 оқу жылынан бастап бітіруші курс студенттері қорытынды аттестаттау нысанын таңдай алады. Ағымдағы оқу жылында 1545 студенттің тек 320 ғана дипломдық жұмыстың жазылуын және қорғалуын, қалғандары-кешенді емтихан таңдады.
"Qyzyljar – adaldyq alany" жобалық кеңсесінің жетекшісі өз сөзінде біздің ЖОО-ның жақсы жұмысын атап өтті: еріктілерді емтихандарға тарту идеясын жоғары бағалады және білім алушының аты-жөні көрсетілмеген арнайы кодтармен жауап парақтарын енгізумен танысты.
