Екінші мәрте М. Қозыбаев атындағы СҚМУ студенттері Нұр-Сұлтан шаһарында бой көрсетуде. ЭКСПО қалашығының аумағында еріктілердің республикалық алдыңғы кеңсесінің ашылуы өтеді. Кеше, 12 ақпанда, Қазақстан Президентінің қатысуымен ресми рәсім өткізілді. Алдымен Мемлекет басшысына еріктілер жылының бағыттары, атқарылып жатқан және жоспарланған жұмыстары таныстырылды. «Birgemiz: Taza Qazaqstan» еріктілер ұйымдастырған акциясы өткен жылы 300 мыңнан астам қазақстандықтықтардың басын біріктірді. Дәл осы оқиға «Еріктілер жылы» тұжырымдамасының негізін қалады.
2020 жылы еліміздің тұрғындары әйгілі шоумен Тұрсынбек Қабатов бастаған «Biz birgemiz» шақыруын белсенді қолдады.
Қасым-Жомарт Тоқаев бұл жобаларды және еріктілерді қолдау бойынша бірқатар шараларды айтты. Қазір еріктілік тәжірибесі жалпы жұмыс тәжірибесіне қосылады, еріктілердің бастамаларын жүзеге асыру үшін гранттар бөлінеді, қозғалыстың белсенді өкілдері мемлекеттік марапаттарға ие болады. Мұнда орталық мемлекеттік органдар басшыларының қатысуымен диалог алаңдары жасалды. Ішкі істер органдарында, төтенше жағдайлар, білім беру, денсаулық сақтау және қоршаған ортадағы еріктілік туралы әңгіме айтылды.
Бүгін, 13 ақпанда қатысушыларға семинарлар мен тренингтер өткізіледі. Бүгінгі таңда басты назар халықаралық еріктілікке, әлеуметтік желілерде брендті жылжытуға, қаражат жинауға бағытталған. Сондай-ақ, студенттер ең жақсы аймақтық тәжірибемен бөліседі.
