М.Қозыбаев атындағы Солтүстіқ Қазақстан мемлекеттік университет басшылығының қатысуымен студенттермен «Open space» форматындағы кездесу өтті. Білім ордамыздың ректорының міндетін атқарушы Ербол Исақаев еріктілермен кездесіп, көптеген тақырыптарда әңгіме өрбітті.
Университеттің еріктілер қатарында барлығы 370-тен астам адам бар. Алайда, олар бұл шараға ең белсенді деген еріктілер қатысып, волонтерлік қызметті жақсарту бойынша өз ұсыныстарын білдірді. Олардың Қазақстан Республикасы Президентінің қатысуымен «Біргеміз» республикалық фронт-офисінің ашылуына қатысқандары туралы, осы саладағы халықаралық тәжірибе, «Студенттік әлеуметтік несие» бағдарламасы және тағы басқа тақырыптарда сөз қозғалды.
Сондай-ақ, Ербол Исақаев 2020 жылдың 1 қыркүйегінен бастап ең белсенді деген еріктіге Абай Құнанбаев атындағы стипендияны тағайындау мүмкіндігі қарастырылып жатқандығын айтты. Өйткені, Абай өз шығармашылығында жастарға көптеген үгіт-насихат беріп, артынан өшпес мұра қалдырған.
Ал университетіміздің еріктілері кездесу барысында әлі де көптеген іс-шаралар ұйымдастырып,барлық студенттерді белсенді болуға шақырды.
