Осы аптада «Jas Otan» жастар қанатының белсенділері, «Adaldyk alany» жобалық кеңсесінің қызметкерлерімен, «Nur Otan» партиясының мүшелері, қалалық мәслихат депутаттарымен және жұртшылықпен бірге біздің университеттегі студенттердің уақытша үйлеріне рейд жасады.
Студенттердің тұрмыстық жағдайлары тексерілді. Яғни, санитарлық нормалардың сақталуы, өрт қауіпсіздігі, инфрақұрылымның қол жетімділігі, сонымен қатар психологиялық климат пен сыбайлас жемқорлық қауіптері тексерілді. Әр қабатта бөлмелер, ас үй, душ бөлмелері мен санитарлық тораптардың жай-күйі тексерілді. Студенттердің айтуынша, олар үшін барлық жағдайлар жасалған.
Айта кетсек,барлық жатақхана ғимараттарына жылу жақсы беріледі. Жақында жөнделген №3 жатақханада шағын-дүкен, кітапхана жұмыс істейді. Бұл студенттер үшін өте ыңғайлы, жіне мұнда тұруға оларда басқа мәселе жоқ. Ал екінші жатақханада спортшылары үшін күрес залы бар. Одан ондаған республика және тіпті әлем чемпиондары шыққанын айта кетуге болады.
Комиссия мүшелерінің тексеру барысында ешқандай бұзушылықтар анықталған жоқ. Жыл соңына дейін осындай рейдтер қаланың барлық оқу орындарының студенттік жатақханаларында өтеді.
