Білім ордамызда химия ғылымдарының докторы, профессор Владилен Васильевич Поляковтың 75 жылдығына арналған «Жаратылыстану және ауылшаруашылық ғылымдары саласындағы ғылым мен білімнің өзекті мәселелері» атты халықаралық ғылыми-тәжірибелік конференция өтті.
Мұнда келген көрермендерге кітап, сонымен қатар Владилен Поляковтың марапаттары мен жетістіктер көрмесі ұйымдастырылды. Білім ордамыздың ректорының міндетін атқарушы Ербол Исақаев мерейтой иесін құттықтап, жылы лебізін білдірді. Сөз барысында ол ауылшаруашылық саласында оқып жүрген студенттердің 30% 2019 жылдан бастап ғылыми жобалар, мақалалар жазып жүлделі орындарға ие болғандықтары жайлы айта кетті. Сонымен қоса студенттер болашақта да осындай маңызы зор сайыстарға қатысып,өз бақтарын сынайтындарын жеткізді.
Той иесі студенттерді жетістіктерімен марапаттап, өз құттықтауын жеткізді. Жиылған көрермендер үшін профессордың қызметінен үзінді фильм ұсынылды. Айта кететін жайт, Владилен Поляков терек мамығының пайдалы тұстарын зерттеп, көпшілікке ұсынған. Сондай-ақ шарада әр өңірден келген қонақтар өз тақырыптарында баяндамалар оқыды. Халықаралық ғылыми-практикалық конференцияға Қарағанды, Нұр-Сұлтан, Ташкент, Барнаул, Түмен және Солтүстік Қазақстан облысының профессорлары мен ғалымдары қатысады.
