21.02.2020 ж. Тіл және әдебиет институтында орыс тілі мен әдебиетінен оқушыларға арналған жыл сайынғы кәсіби бағдар беру олимпиадасы өтті. Олимпиадаға облыс аудандары мен қала мектептерінің 10-11 сынып оқушылары қатысты. Сонымен қатар, Олимпиада бағдарламасында "Кәсіби құзыреттілікті қалыптастыру бәсекеге қабілетті түлектің дайындық шарты ретінде" атты мұғалімдерге арналған семинар, "Орыс тілі мен әдебиеті" мамандығының 1-2 курс студенттерімен "Лингва-шоу" интерактивті ойыны, мамандықтың презентациясы ұсынылды. Іс-шара соңында пәндік олимпиада жеңімпаздарын салтанатты марапаттау рәсімі өтті. Барлық қатысушылар сертификаттар ғана емес, сонымен қатар кездесуден жағымды эмоциялар алды.