Өскемен қаласында Әл-Фарабидің 1150 жылдығына арналған VIII қысқы Универсиада басталды. Оған еліміздің 12 Жоо-ның өкілдері қатысуда, бұл 1000-ға жуық студент. Спортшылар спорттың бес түрі бойынша сынға түседі. Қысқы Президенттік көпсайыс, керлинг, спорттық бағдарлау, биатлон және шаңғы жарысы. Қысқы Президенттік көпсайыстан жасөспірімдер арасында 1-ші орынды
М. Қозыбаев атындағы СҚМУ құрама командасы иеленді. Қысқы полиатлоннан абсолютті чемпион болып ФКС - 17-2 (ПФ) тобының 3 курс студенті, спорт шебері Данила Викторенко атанды!
Ол республикалық жарыстарда бірнеше рет жеңіске жетіп, халықаралық турнирлерде төрт өңірдің атынан сайысқан. VIII Қысқы Универсиада біздің көпсайысымыз үшін трамплин болады, өйткені дәл осы жерде Дүниежүзілік студенттік ойындарға үздік спортшыларды іріктеу жүзеге асырылады.
