Биыл Қазақстан халқы Ассамблеясы өзінің 25 жылдығын атап өтуде. Осы уақыт ішінде ол ұлтаралық қатынастарды реттеуде, көпұлтты қазақстандық қоғамда түсіністік пен сенімге қол жеткізуде үлкен жұмыс жасады.
1 наурызда біз ҚХА мерейтойын және 2016 жылы құрылған Алғыс айту күнін атап өтеміз. Осы мерекелер қарсаңында университетте барлық факультеттердің студенттері мен оқытушыларының, сондай-ақ облыстық ҚХА этномәдени бірлестіктерінің өкілдерінің қатысуымен «Бір отбасында» атты салтанатты шара өтті. Қатысушылар өздерінің мәдениетін, ұлттық киімдерін, кітаптарын және Солтүстік Қазақстан облысында бірге тұратын этностарды бейнелейтін халықтық бұйымдарын ұсынды.
Іс-шараға Түмен, Омбы, Қорған қазақтарының ұлттық мәдени автономияларының қонақтары, Украинаның Қазақстан Республикасындағы Елшілігінің қызметкерлері қатысты.
Қазақстандықтар қуғын-сүргінге ұшыраған халықтардың шаңырағын қабылдаған кездегі қиын балалық шағын еске алып Петропавл Ардагерлер кеңесінің төрайымы Сара Тасеменова сөз сөйледі.
М. Қозыбаев атындағы ректор м. а. Ербол Исақаев халық қалаулысы мен Елбасының қолдауымен туған Қазақстан халқы Ассамблеясы республиканың барлық этностарын өзінің қанатының астына жинады деп атап өтті. ҚХА-ның ғылыми және білім беру бөлігінің нығаюы қазіргі уақытта еліміздің жоғары оқу орындарында кафедралардың ашылуына байланысты.
Біздің университетте құрылған «Қазақстан халқы Ассамблеясы» кафедрасы 28 сәуірде 6 жасқа толады. Ол Қазақстан Республикасында алғашқылардың бірі болып ашылды.
Облыстық ҚХА хатшылығының меңгерушісі Мұратбек Зейнуллин М. Қозыбаев атындағы СҚМУ ҚХА кафедрасымен алдағы уақыттағы ынтымақтастық жоспарларымен бөлісті. Бұл перспективалық құрылым үш негізгі бағытта: оқу, ғылыми, әдістемелік және білім беру бағытында көпвекторлы жұмыс жүргізу арқылы жүзеге асырылатын ғылыми әлеует пен практикалық қызметті біріктіреді. Этносаралық келісімді нығайтуға қосқан үлесі үшін серіктес ұйымдардың өкілдері, студенттер, магистранттар және университет профессорлары марапатталды.
