2020 жылдың 26 ақпанында Якутск МАША-ның өкілдерінің М. Қозыбаев атындағы СҚМУ-да болуы шеңберінде ЯМАША ректоры И.И. Слепцов Агротехнологиялық факультетінің ПОҚ және студенттерімен кездесуі өтті.
И.И. Слепцов өзінің ақпараттық баяндамасында Академия қызметінің негізгі ережелерін ашты:
* Якутск мемлекеттік ауыл шаруашылығы академиясы – Ресей Федерациясы Ауыл шаруашылығы министрлігінің Агроөнеркәсіптік кешен үшін мамандар даярлау жөніндегі базалық жоғары оқу орны.
* Факультеттер: Агротехнологиялық, ветеринарлық медицина, инженерлік, орман шаруашылығы және жерге орналастыру және экономикалық-құқықтық және гуманитарлық білім департаменті, филиалы Ханғалас ұлусының Оттемцы ауылында.
* Жоғары білім берудің 22 бағыты бойынша дайындық (соның ішінде мамандану – 1, бакалавриат - 14, магистратура – 7).
* Негізгі мамандануы – шаруа (фермер) қожалықтары, ауыл шаруашылығы ұйымдары, мал шаруашылығы саласы (Мал шаруашылығы, табынды жылқы шаруашылығы, Солтүстік үй бұғы шаруашылығы) үшін Саха (Якутия) Республикасының Ауыл шаруашылығы тауар өндірушілерін дайындау.
Ректор екідипломды білім алу болашағын айтты. «Қос диплом» бағдарламасы бакалаврлар үшін де, магистрлер үшін де әрекет етеді, ол ондаған студентке шетелде білім алудың құнды тәжірибесін алуға, алған білім көлемін айтарлықтай кеңейтуге және оларды қолданудың әртүрлі әдістерін зерделеуге мүмкіндік береді.
Сондай – ақ, сапар аясында Якутск МАША өкілдері Максим Кирович Аммосовқа (1934-1937 жж. – Солтүстік Қазақстан облыстық комитеті мен Қазақстан Компартиясы Петропавл қалалық комитетінің бірінші хатшысы) мемориалдық тақтаға гүл шоқтарын қойды.
