Өңірлік коммуникациялар қызметі онлайн- режимде «Елде орын алған төтенше жағдайға байланысты СҚО бойынша қашықтықтан оқыту жүйесі» тақырыбында брифинг өтті. Академиялық сауалдар жөніндегі проректордың м.а. Жанар Таласпаева М. Қозыбаев атындағы СҚМУ-да қашықтықтан оқыту жүйесі қалай жүргізіліп жатқаны жайлы сөз қозғады.
Бүгінгі күні білім алушыларға қашықтықтан оқытуда проблемалар аз емес. Шаһарымызда жалғыз орналысқан жоғары оқу орны М. Қозыбаев атындағы СҚМУ өз жұмысын сәтті жүргізуде. 16 наурыздан бастап білім беру жүйесі қашықтықтан оқыту форматына ауысты. Соған орай университет басшылары қашықтықтан оқу жүйесі бойынша жол картасын әзірледі. Екіншіден, барлық дәрістердің жүргізілуіне мониторинг ұйымдастырылған. Бекітілген кестеге сәйкес онлайн сабақтар, оқытушыға ағымдық бақылаудың барлық түрлерін орындау және «NKZU E-learning» сайты арқылы немесе оқытушының корпоративті поштасы арқылы жүзеге асырылады. Қатысу мониторингінің талдауы орташа есеппен 80% -дан асатындығын көрсетеді.
№ 3 жатақханада 193 студенттер тұрып жатыр. Олардың 170-і үнді азаматтары. Студенттерге университет тарапынан бөлінген қаражатқа азық-түліктер мен интернет желісі және компьютерлік техникалармен қамтылған. Олар карантин режимінде қашықтықтан оқыту жүйесіне белсенді қатысады.
Студенттер мен оқытушылар құрамын ақпараттармен қамтамасыз ету университеттің веб-сайты, байланыс орталығының жұмысы және ректордың, проректорлардың және декандардың студенттермен онлайн-кездесулері арқылы жүзеге асырылады. Байланыс орталығына 578 қоңырау қабылданды және өнделді. Call-сеnter қызметкерлері қоңырауларды қабылдап қана қоймай, студенттермен, магистранттарға интернетке қосылу жағдайындағы кедергілерді және олардың психологиялық жағдайын сұрап қонырау шалады.
