09.04.2020 жылы Манаш Қозыбаев атындағы Солтүстік Қазақстан университетінің «Практикалық қазақ тілі» кафедрасының ұйымдастыруымен «XXI ғасыр көшбасшысы» атты интеллектуалдық ойыны өтті. Елімізде белгіленген төтенше жағдайға байланысты біздің университет те онлайн оқу жүйесіне көшкен болатын. Сол себептен ойын онлайн «ZOOM» платформасында өтті. Ойын төрт бөлімнен тұрды. I кезең «Бәйге», қатысушыларға сұрақтар ұсынылды: Бұл кезеңде кім бұрын жауап береді, сол ұпай алады. ІІ кезең «Полиглот» : Осы турда берілген сұраққа жауап беріп, оның жауабын үш тілде айтып шығу керек (қазақша-орысша-ағылшынша/немісше). III кезең: «Кім жылдам?» . Бұл кезеңде студенттердің назарларына 4 сұрақтан тұратын логика, орыс тілі және қазақ тіліне қатысты әртүрлі тапсырмалар берілді. IV кезең: «Жорға». Бұл кезеңде әрбір қатысушыға жеке он сұрақтан қойылды. Байқауға қатысқан студенттер: Лапухина Татьяна, Деменева Александра (РЛ-19), Фомич Софья (ПД-19), Белов Андрей, Блохина Лиза (РЛ-19). Студенттер белсенділік таныта отырып, бар білімін ортаға салып, одан бетер білімдерін шыңдай түсті. Ойынның нәтижесі бойынша жеңімпаз, көшбасшысы атанған РЛ-19 тобыны студенті Деменева Александра болды.
