10.04.2020 ж. «Жастар және ғылым-2020» Халықаралық ғылыми - тәжірибелік конференциясы аясында «Ауыл шаруашылығы ғылымының өзекті мәселелері» секциясының онлайн-отырысы өтті (ZOOM платформасы).
Пленарлық және секциялық отырыс барысында Агротехнологиялық факультеттің жас ғалымдары, магистранттары мен студенттері қазақ, орыс және ағылшын тілдерінде өздерінің ғылыми зерттеулерінің нәтижелерін ұсынды.
«Орман ресурстары және орман шаруашылығы» ББ академиялық ұтқырлық бағдарламасы бойынша студенті Андреева Виктория (Саха Республикасы, РФ), «Агрономия және орман шаруашылығы» кафедрасының оқытушысы, магистр Мұқанова Ф. Қ., «Биотехнология» мамандығының 2 курс магистранттары Жусупов Данияр, Шамшитов Арман, Карамышев
Вадим, «Мал шаруашылығы өнімдерін өндіру технологиясы» мамандығының 2 курс студенті Савченко Татьяна аудитория алдында сөз сөйледі.
Ғылыми баяндамалардың келелі мәселелері агрономияның, мал шаруашылығы мен орман шаруашылығының басым сұрақтары мен мәселелерін қамтыды.
Секция жұмысын М. Қозыбаев атындағы СҚМУ профессоры, «Азық-түлік қауіпсіздігі» кафедрасының меңгерушісі Баязитова К. Н. қорытындылады.
