Шара мұндай форматта алғашқы рет ұйымдастырылды. Биылғы жылы Жас ғалымдар және студенттік ғылыми қоғам мүшелері өз жұмыстарын волонтер жылына арнайы ерекше форматта дайындапты. Университет қабырғасындағы әрбір жастың көкейінде ғылымға деген қызығушылық тудыру үшін бастапқы саты ретінде ұйымдастырылатын бұл жобаға барлық факультет белсене қатысады.
Жиында құттықтау сөз алған университеттің ғылым және инновациялар жөніндегі проректоры Ақмарал Ыбыраева: «Шын мәнінде қай кезде болмасын жастар қоғамның қозғаушы күші, бүгінгі күні көп нәрсе сіздердің қолдарыңызда, сіздерге мол мүмкіндіктер ашылып отыр. Ғылым және инновациялардың болашағы жастардың қолында», деп атап өтті.
Кейін университет атын облыс пен республикаға танытып жүрген ғалымдар өз баяндамалары мен жобаларын ұсынды.
Атап өткен жөн, конференция қатысушылары ғылым мен техниканың дамуына байланысты өзекті мәселелерді талқылады. Сондай-ақ, шараға СҚО Жастар саясаты мәселелері басқармасының басшысы, Ресей Федерациясы және де Қазақстан университеттерінің студенттері мен магистранттары белсенді қатысып, өз баяндамаларын жасады.
