М. Қозыбаев атындағы СҚМУ студенттері, магистранттар, докторанттар, интерндер қашықтықтан оқыту режимінде білім алып жатқандарына бір ай уақыт болды. Online сабақтар электрондық оқыту, Zoom, BigBlueButton , E-learning платформаларында өткізіледі. Университеттің академиялық саясатына өзгерістер енгізілді, сонымен қатар қорытынды сертификаттау ережелері әзірленді. Күн сайын қоңырауларды телефон және sms-чат арқылы қабылдайтын call-center бар. Студенттермен кері байланыс орнатудың прогрессивті тетіктерінің бірі- университет басшыларымен жүйелі түрде online – кездесу.
Мұндай диалог алаңдар Солтүстік Қазақстан облысының 3 ауданының және Петропавл қаласының студенттерімен, шетелде академиялық ұтқырлық бағдарламасымен білім алып жатқан студенттермен, және профессорлық - оқыту құрамымен өткізілді.
Бұл жолы ректордың м.а. Ербол Исақаев Есіл ауданың студентерімен online- кездесу өткізді. Кездесу барысында студенттер сессияны ұйымдастыру, тәжірибе және пәндерді қайта оқу мүмкіндіктері жайлы сұрақтар қойды. Ректордың м.а. барлық емтихандар мен тәжірибелер уақытылы өткізілетінін айтты. Шәкіртақының уақытылы төленуіне барлық әлеуметтік кепілдіктер сақталған. Қазіргі уақытта оқытудың негізгі қиындықтары шалғай мекендердегі интернет желісінің төмен жылдамдығы болып отыр. Әрбір осындай жағдай жергілікті атқарушы органдарды, әкімдіктерді қосумен жеке тәртіпте шешіледі.
Келесі online – кездесу 17 сәуір күні М.Жұмабаев ауданының студенттерімен өткізіледі.
