2020 жыл-Қазақстан халқы Ассамблеясының 25 жылдығы. Мерейтой аясында Қазақстан халқы Ассамблеясы кафедрасы Солтүстік Қазақстан облыстық Қазақстан халқы Ассамблеясының этномәдени орталықтарымен бірлесіп, барлық оқу жылына есептелген М. Қозыбаев атындағы СҚМУ мәдениет күндерінің Жол картасын әзірлеген болатын.
М.Қозыбаев атындағы СҚМУ-да поляк мәдениеті күндері сәуірдің бірінші жартысында өзгеше өтті. ZOOM платформасы бізге үйреншікті аудиториялардың орнын алмастырды. Барлық білім беру бағдарламаларының студенттері және Медицинаның жоғары мектебінің шетел студенттері үшін 3 тілде «Халықтану» білім беру лекторийі шеңберінде поляк халқы туралы дәрістер және 2 тілде (мемлекеттік, орыс) «Қазақстан діндері мен этностары: тарих және қазіргі заман» факультативтік курсы-поляктардың діни нанымдары бойынша дәрістер өткізілді. Сонымен қатар, тарих, экономика және құқық факультетінің студенттеріне арналған дөңгелек үстел ұйымдастырылды, онда «Қазақстан тарихы және әлеуметтік-гуманитарлық пәндер» кафедрасының меңгерушісі Нурболат Абуовпен және «Коперник» Солтүстік Қазақстан облыстық поляк мәдени орталығы төрағасының орынбасары Валентина Корневамен әзірленген «Солтүстік Қазақстан облысының поляктары» оқу-әдістемелік құралының тұсаукесері өтті.
Студенттерді поляктардың дәстүрлері, мерекелері мен менталитеті, жекелеген поляк сөздерінің маңызы, әлемдік аты бар көрнекті поляктар, поляктардың Қазақстанға және Солтүстік Қазақстан облысына қоныс аударуы, Польшаның Қазақстанға «Қазақстан жұлдызы» әулие-алтарінің берілу тарихы және т. б. ақпараттар қызықтырды. 300-ге жуық студент диалогқа қатысып, сарапшылар мен лекторлардан өздерін қызықтыратын сұрақтарға жауап алды.
