М. Қозыбаев атындағы СҚМУ серіктес жоғары оқу орындарымен ғылыми және білім беру байланыстарын табысты дамытуда. Бұл бағытта ФГБОУ ВО "Арктикалық мемлекеттік агротехнологиялық университет" (Саха Республикасы (РФ) және Қазақ ұлттық аграрлық университетімен ынтымақтастық мәселелері бойынша халықаралық online-кездесу маңызды болып табылады.
Үш жақты диалогтың негізгі миссиясы- ауыл шаруашылығы саласында бірлескен ғылыми зерттеулер жүргізу үшін үш жоғары оқу орны ғалымдарының әлеуетін біріктіру, мамандар дайындауда тәжірибе алмасу, студенттер мен оқытушылардың академиялық ұтқырлығын дамыту. Кездесуде академиялық ұтқырлық бағдарламасы, ФГБОУ ВО АМАУ-ға магистратураның және бакалавриаттың екі дипломды бағдарламалары бойынша оқуға Қазақстаннан талапкерлерді тарту мәселелері талқыланды.
Айта кету керек, бұл ЖОО-мен үшінші жыл білім алушылар мен педагогтармен алмасу жүргізілуде. Қазіргі уақытта біздің 2 студент Саха Республикасында, ал 4 якутиялық студент М. Қозыбаев атындағы СҚМУ-да оқиды. Бұл бағыттағы жұмыс жалғастырылатын болады. Сонымен қатар, дәрістерді оқу үшін біздің университетке ҚазҰАУ және Арктикалық МАТУ -дан жетекші ғалымдар тартылады.
М. Қозыбаев атындағы СҚМУ ректорының м.а. Ербол Исақаев, Арктикалық МАТУ ректоры Иван Слепцов, ҚазҰАУ бірінші проректоры Қанат Тиреуов жалпы зерттеу жобаларын жүзеге асырудың, ауыл шаруашылығы саласындағы қазақстандық және ресейлік ғылыми байқауларға қатысудың маңыздылығын атап өтті. Бұл бағыттағы маңызды қадам АӨК тұрақты дамыту және ауыл шаруашылығы өнімдерінің қауіпсіздігі саласында ҚР БҒМ гранттық қаржыландыруға қатысу үшін ресурстарды біріктіру болуы мүмкін.
Қорытындылай келе, ЖОО ішінде АӨК-нің тар ғылыми бағыттары: өсімдік шаруашылығы, құс шаруашылығы, мал шаруашылығы және басқалар бойынша мақсатты жұмыс топтарын құру туралы шешім қабылданды. Ғылыми әлеуетті анықтау және деректер алмасу мақсатында. Сонымен қоса, ұйымдастырушылар әр ай сайын online-кездесулер өткізуге келісті.
