ҚР аумағында төтенше жағдай енгізілу салдарынан көпшілігіңіз бірқатар қиындықтарға тап болғаныңыз белгілі. Мемлекеттік грантта оқымайтын тұлғалардың көбісі жеке және оқу шығындарын өтеу үшін жұмыс істейді. Алайда, карантинге байланысты көптеген мекемелер жабылып, бірқатар студенттер және олардың ата-аналары табыс көзін уақытша жоғалтқаны бәрімізге анық.
Аталмыш фактілерді назарға ала отыра, М.Қозыбаев атындағы СҚМУ басшылығы оқу ақысын төлеу мерзімі және кейінге қалдыру ұзартылғаны жайында хабарлайды. Оқу ордада студенттерді әлеуметтік қолдау бойынша арнайы Комиссия құрылған. Олар студенттердің оқу ақысын төлеу мерзімін ұзарту және кейінге қалдыру бойынша өтініштерді қарастырады. Ең алдымен көмек қиын өмірлік жағдайға тап болған адамдарға көрсетілмек.
Университет сайтының "қашықтықтан оқытуды ұйымдастыру" бөлімінде ата-аналар мен студенттер үшін оқу ақысын төлеу мерзімін ұзарту және кейінге қалдыру тәртібі туралы, сондай-ақ қажетті өтініштер нысаны жарияланған. Оқу ақысын төлеу мерзімін ұзарту және кейінге қалдыру туралы өтінішті студент комиссия төрағасының атына толтырып, студенттерді тіркеу және қызмет көрсету орталығына электронды cos_skgu@mail.ru мекен-жайға жібере алады. Сонымен қоса, өтінішке әлеуметтік қолдау алу үшін негізді растайтын құжаттарды қоса тіркеу қажет.
Өтінішті комиссия бес күн ішінде қарастырады.