М.Қозыбаев атындағы СҚМУ-да Рухани жаңғыру мемлекеттік бағдарламасы аясында ұйымдастырылған «Туған Жер- 2020» аймақтық дөңгелек үстел өтті. Іс-шара өскелең ұрпақта туған жерге, оның мәдениеті мен тарихына деген махаббатты тәрбиелеу, сондай-ақ, Солтүстік Қазақстан облысының тарихи кең зерттеу шараларын жүргізу. «Туған Жер- 2020» жыл сайын университет қабырғасында өткізілетін дәстүрге айналған ауқымды іс-шаралардың бірі.
Конференцияға қатысушылар: Солтүстік Қазақстан мемлекеттік архивінің директоры, Мәлікова Сәуле Зейноллақызы, Облыстық тарихи өлкетану-мұражайының ғылыми қызметкері Сорочинский Максим Викторович, Әбу Досмұхамбетов атындағы облыстық дарынды балаларға мамандандырылған гимназия-интернатының тарих пәнінің мұғалімі Елембаева Марзия Тілегенқызы облыстың зиялы-қауым өкілдері, СҚМУ оқытушылары, магистранттар мен студенттер қатысты.
Рухани жаңғыруға бағытталған жұмыстардың бір парасы «Туған жер» бағдарламасы аясында қолға алынған ауқымды жоба «Қазақстанның киелі жерлері географиясы». Қызылжар өңірінде қасиетті орындар тізіміне 6 нысан енген: «Абылай хан резиденциясы» музейлік кешені, Қарасай мен Ағынтай батырлардың мемориалды кешендері, Ботай қонысы, Қожаберген батыр мен Құлсары батырдың кесенелері, Айғаным қонысы.
2020 жылдың ең маңызды мерей тойлардың қатарына Ұлы жеңістің -75 жылдығы кіреді. Осындай бейбіт әлемде өмір сүріп жатқанымыз, тәуелсіздік алу жолында өздерін құрбан еткен ата-бабаларымыздың арқасы екенін ұмытпау қажетпіз. Деректерге сүйенетін болсақ, Ұлы отан соғысына Қазақстаннан бір милион екі жүз адам қатысқан. Сонау соғыс жылдары Брест қамалын қорғағандардың қатарына Солтүстік өңіріміздің өкілдерінен Абдрахманов, Лабанов, атқыш Иманов, зеңбірекші Жұматов, сияқты жаужүрек азаматтарымыз қатысып, елін жаудан азат етуге жандарын қиған.
Жалпы облыс көлемінде Рухани жаңғыру бағдарламасы аясында бірқатар іс-шаралар жүзеге асуда.
