«Қазақстанда органикалық өнім өндіру» – осындай атаумен М. Қозыбаев атындағы СҚМУ Агротехнологиялық акультетінде халықаралық онлайн-семинар өтті. Аталған іс-шараның негізгі мақсаты-органикалық өнім өндірісін дәріптеу. Онлайн-семинар барысында негізгі баяндамалармен спикерлер сөз сөйледі: В. В. Григорук –АӨК ҚазҒЗИ және ауылдық аумақтарды дамыту академигі, э.ғ.д.; Климов Е. В.-АӨК және РСТ ҚазҒЗИ сарапшысы; А. В. Стрелец – «Стрелец А. В.» ЖК вермифермасының директоры, Boris Bordman – «Agri Mechanization and Technology» компаниясының директоры, Израиль; Antаnas Makarevicius – «Sertifikācijas un testēšanas centrs» Ltd директоры, Латвия; «Диканши» компаниясының өкілі – Илья Пампур. Сондай-ақ осы онлайн-семинарға СҚО ауыл шаруашылығы басқармасының өкілдері, Атамекен, Петропавл Ұлттық Кәсіпкерлер палатасының сарапшылары қатысты. Спикерлер өз баяндамаларында әлемдегі органикалық нарықтың негізгі заманауи трендтері, органикалық өнімдерді сертификаттау жүйесі, органикалық өнімді өндіру ерекшеліктері, сондай-ақ органикалық өнімді өсіру кезінде өсімдіктерді қорғау техникасы мен технологиясы туралы қолжетімді және ақпаратты түрде айтып берді. Онлайн-семинарда ұсынылған барлық баяндамалар өте мазмұнды және қызықты, ең бастысы тәжірибелік маңызды болды. 3 сағат ішінде тыңдаушылар мен спикерлер арасында жанды, пайдалы және сындарлы диалог болды. Факультетіміздің студенттері барлық баяндамаларды мұқият тыңдап, белсенді түрде сұрақтар қойғаны ерекше қуантады.
