Өмірзақ Сұлтанғазин атындағы Қостанай мемлекеттік педагогикалық университеті базасында өткен студенттердің ғылыми-зерттеу жұмыстарының жыл сайынғы республикалық конкурсының ІІ кезеңінің қорытындысы белгілі болды. Атап өту қажет, байқау қашықтан онлайн-режимде ұйымдастырылды.
Осы байқауға 13 ЖОО ат салысты. Оның ішінде М. Қозыбаев атындағы СҚМУ студенттері де қатысып, жақсы нәтиже көрсетті. Университетіміздің «География» мамандығының студенті Юлия Свистунова жыл сайынғы республикалық СҒЗЖ байқауында жүлделі II орынға ие болды. Оқу ордамыздың білім алушысы «География» бағыты бойынша сынасқан.
Маңызы зор бәсекеде М. Қозыбаев атындағы СҚМУ намысын қорғаған Юлия Свистунованы құттықтаймыз! Сәттілік және шығармашылық табыс тілейміз! Білім бәсекесіндегі беделіміз биік болсын!