Kozybayev University қос дипломды білім алу бағдарламасы бойынша білім алған түлектерді құттықтау рәсімі өткізілді. Елімізде болып жатқан пандемияға байланысты онлайн конференция форматында өткен диплом табыстау рәсімі университет тарихында алғаш рет жүзеге асырылып отыр. Сонымен қатар университетімізде диплом табыстау кезінде сақтық шараларының қатаң талаптарын сақтау да назардан тыс қалмады.
Алғаш сөз кезегін алған Kozybayev University басқарма төрағасы-ректорының м.а Ербол Исакаев бітіруші түлектерді құттықтай келе, жылы лебізін де білдірді. Алғаш рет 5 түлек бакалавр бойынша қосдипломға ие болды. Сонымен қоса 2 магистрде қосдипломды қолдарына алды. Бітіруші түлектер қосдипломды алу оңайға түспегендігін,онымен қоса көптеген тәжірибе жинағандарында жеткізді. Студенттер бұның барлығы университет оқытушыларының қолдауымен болғандығында айта кетті.
Білім ордамыздың қабырғасында студенттер 4 жылдық еңбек пен ізденімпаздықтың нәтижесінде мол білім алып, болашаққа асқақ армандарымен қадам басты. Осындай тарихи кезеңде білім орда қабырғасын бітіріп жатқан түлектерді құттықтап, мол табыс тілейміз.
