Биыл жан басына ауыр тиген індетке байланысты Kozybayev University қашықтықтан жұмыс істеу форматына көшсе де, ЖОО-да педагогтердің виртуалды академиялық ұтқырлық бағдарламасы жүзеге асырылуда. Бұл студенттеріміздің шетелдік оқытушылардан нәтижелі білім алып, онлайн сабақтарына қатысуға мүмкіндігі бар екенін білдіреді. Стримингтік платформаларда олар білімгерлерді жаңа ғылыми трендтермен қатар педагогикалық тәсілдермен таныстырады.
Университетімізге арнайы шақырылған екі сарапшы оқытушылар қазіргі уақытта Kozybayev University "Химия және химиялық технологиялар" кафедрасының білім алушыларына дәріс оқиды. Андриана Сурлева, София қ. (Болгария) химиялық технология және металлургия университетінің қауымдастырылған профессоры мен біздің альма-матер ынтымақтастығы бірінші рет емес. 2017 жылы ол біздің университетке топ-менеджер ретінде келсе, ал қазіргі таңда қашықтан докторанттарды оқытуда. Сабақтар екі семестр бойы ағылшын тілінде өткізіледі.
Химик-магистранттардың да шетелдік педагогтардан білім алу мүмкіндігі қарастырылған. Практикалық және дәрістік сабақтарды Омбы мемлекеттік педагогикалық университетінің (РФ) доценті Ирина Герасимова жүргізеді. Ол 8 қыркүйектен 31 қазанға дейін өзінің "Күрделілігі жоғары есептерді шешудегі оқытудың заманауи әдістемелері" пәнінен дәріс оқиды.
Биылғы жылы Kozybayev University-де 14 шетелдік маманның онлайн жұмысы жоспарланған.