Достық үйінде «Қазақстан халқы Ассамблеясына 25 жыл» медальдарымен марапаттау рәсімі өтті. Марапатталғандардың қатарында университетіміздің «Қазақстан халқы Ассамблеясы» кафедрасының меңгерушісі Людмила Гривенная да бар.
Kozybayev University ҚХА кафедрасы республикада алғашқылардың бірі болып 2014 жылдың 28 сәуірінде құрылды. Бастапқыда оның қызметі бірлік пен келісімнің сақталуына ықпал етуге, жастар ортасында азаматтық бірегейлікті және қазақстандық патриотизмді қалыптастыруға, Қазақстанда тұратын этностық топтардың тарихы мен мәдениетіне құрметпен қарауға, толеранттылық пен жанжалсыздыққа тәрбиелеуге, мемлекеттік тілді қолдану аясын кеңейтуге және көптілділікті дамытуға, шетелдік студенттерді бейімдеу, діни сауаттылықты кеңейту және діни экстремизм мен терроризмнің алдын алу бойынша жұмыстар жүргізуге бағытталды. Кафедрада ғылыми-әдістемелік бірлестік пен студенттік ғылыми қоғам құрылып, тиімді жұмыс істеуде.
Қызмет еткен жылдар ішінде 3 тілде (мемлекеттік, орыс және ағылшын) өткізілген көптеген жаңа лекциялық курстар мен факультативтер, мазмұны мен формасы бойынша стандартты емес тәрбиелік іс-шаралар апробацияланды (жыл сайын 200-ге жуық түрлі іс-шаралар өткізіледі, оларға тек студенттер ғана емес, сонымен қатар қала және Солтүстік Қазақстан облысы колледждерінің, мектептерінің оқушылары да қатысады), 50-ден астам әдістемелік құралдар әзірленді, оқытушылар мен студенттер ғылыми жобалар әзірледі, ҚХА кафеждрасында студенттер өндірістік тәжірибеден өтеді, студенттік ортада азаматтық бірегейлік пен патриотизм мен діндарлық деңгейіне үнемі мониторинг жүргізіліп отырады.
Kozybayev University ҚХА кафедрасы сыртқы ұйымдармен, қала, облыс және республиканың этномәдени бірлестіктерімен тығыз қарым-қатынас жасайтын ерекше орталыққа айналды.
