Жыл сайын Қазақстанда Отбасы күні атап өтіледі. Бұл мерекеге "Дәстүрлі және заманауи отбасы. Мәселелер мен перспективалар" атты онлайн-семинар арналды. "Педагогика және психология" және "Әлеуметтік педагогика" мамандықтарының 3-4 курс студенттеріне арналған қашықтық форматтағы іс-шараны университеттің психологиялық қызметі, "Қазақстан халқы ассамблеясы" кафедрасымен және педагогикалық факультетпен бірлесіп ұйымдастырды.
Kozybayev University жетекші қызметкерлері мен оқытушылары отбасы институтының қазіргі жағдайына, қоғамдағы рөліне, оның даму және трансформация тенденциялары мен перспективаларына өз көзқарастарын ұсынды. Студенттер көтерілген мәселелерді талқылауға белсене қатысып, мәселеге қатысты өз көзқарастарын білдірді.
Іс-шараға қатысушылар бүгін ҚР-да отбасын нығайту және қазақстандықтардың өмір сүру сапасын арттыру бойынша жүйелі және кешенді жұмыс құрылғанын, отбасылық саясат мемлекеттің негізгі басымдығы болып табылатынын атап өтті. Көп балалы отбасылар мен даму ерекшеліктері бар балаларды тәрбиелеушілердің мәселелерін шешуге ерекше көңіл бөлінеді. Бүгінгі таңда бұл маңызды әлеуметтік институт тұрақты дамып келе жатқан қоғамның негізі болып табылады.
