Ағымдағы жылы біздің университетіміз Еуропалық Одақтың Erasmus+ бағдарламасының шеңберінде іске асырылатын "Құзыреттілікті дамыту және көшбасшылық саласындағы мұғалімдерді даярлау/DeSTT" халықаралық жобасына қосылды. Аталмыш жоба еуропалық елдер арасында сонымен қатар, бүкіл әлем бойынша әріптестер арасында білім беру, кәсіптік оқыту, жастар саясаты мен спорт жүйесін қаржыландыруға және жаңғыртуға, тұрақты дамытуға жәрдемдесу негізіне бағытталған.
DeSTТ жобасының консорциумына Еуропа, Ресей, Қазақстан және Моңғолия елдерінің 11 университеті кіреді. Ол 3 жылға есептелген.Университетімізде оны жүзеге асырудың маңызды кезеңі, көшбасшылықты дамытудың ,ілім беру орталығының ашылуы болды.
Мұнда Солтүстік Қазақстан облысының педагогтеріне семинарлар, тренингтер, мастер-кластар, конференциялар өткізіледі. Сабақ тұрақты негізде өтеді. Әріптес елдерден, fлма-матер ПОҚ, СҚО мектеп директорлары және т.б. дәріскерлер болады. Erasmus+ жаңа орталық үшін жабдық сатып алуға 13 мың еуро қаражат бөлу қарастырылған. Оқытушылар өздерінің кәсіби құзыреттерін, көшбасшылық саласындағы біліктіліктерін арттырып, soft-skills-ті жетілдіре алады. Сондай-ақ жобаның нәтижесі педагогикалық, әлеуметтік, құқықтық, экономикалық және басқару элементтерін біріктіретін магистратураның жаңа пәнаралық модулін әзірлеуге мүмкіндік береді. Сондай-ақ электронды оқу құралын шығару да жоспарлануда.
Көшбасшылықты дамыту білім беру орталығының ашылу салтанатына Басқарма төрағасының-ректордың м.а. Ербол Исақаев және Erasmus+ жоғары білімді реформалау жөніндегі ұлттық сарапшылар командасының Бақылау кеңесінің төрағасы, DeSTТ жобасының жұмыс тобының мүшесі Серік Өмірбаев қатысты.
Одан әрі Италияның Кассино университеттерінің және оңтүстік Лацио Барбара Сбарделла және Алессандро Фигус үйлестірушілерімен воркшоп өтті. Іс-шарада осы кейс бойынша жартыжылдық жұмыстың қорытындылары шығарылып, оны одан әрі іске асырудың мақсаттары мен перспективалары белгіленді.
"Құзыреттілікті дамыту және көшбасшылық саласындағы мұғалімдерді даярлау/DeSTT" жобасы көшбасшылық саласындағы педагогтарды оқыту мен олардың біліктілігін арттыруды неғұрлым тиімді етуге, олардың жергілікті қоғамдастықпен барынша өзара іс-қимыл жасауына, инновациялық әдістерді енгізуге бағытталған.
