Барнаул қаласындағы (РФ) Алтай мемлекеттік университетінің базасында Азия университеттері қауымдастығының IV Съезі өтті. Оған қашықтан Басқарма төрағасының- ректордың м.а Ербол Исақаев және біздің альма-матер қызметкерлері қатысты.
Kozybayev University аталған ұйымға 2017 жылы кірді. Оның құрамына Армения, Қазақстан (32 жоғары оқу орны), Қырғызстан, Қытай, Моңғолия, Ресей, Тәжікстан, Малайзия және Таиландтың 76 жоғары оқу орны кіреді.
Азия университеттері қауымдастығы өңірде бірыңғай білім беру кеңістігін қалыптастыру, жоғары мектеп саласындағы интеграциялық үдерістердің қуатты серпінін қалыптастыру, академиялық ұтқырлықты және мәдени байланыстарды кеңейту үшін негіз қалады.
Жалпы жиналыстың басты тақырыбы жұмысты қорытындылау, қызметтің негізгі бағыттарын үйлестіру және Азиялық ғылыми-білім беру кеңістігінің желілік ынтымақтастығының платформасы ретінде қауымдастықтың даму стратегиясын анықтау болды. Іс-шарада Қауымдастық құрамына жаңа жоғары оқу орындарын қабылдау және оның Президентін кезекті екі жылдық мерзімге сайлау өтті.
Күндізгі және онлайн форматта бірлескен білім беру бағдарламалары мен академиялық ұтқырлықты ұйымдастыру тәсілдері; эпидемиологиялық шектеулер жағдайында өзара іс-қимылдың ерекшеліктері мен жаңа тәсілдері талқыланды. Мұның бәрі Азия құрлығының білім беру кеңістігін нығайту мен дамыту жөніндегі ең батыл жоспарларды іске асыруға мүмкіндік береді.
