Қазіргі таңда оқу орда маңында құрылыс жұмыстары басталып кеткен. Сонымен қоса осы оқу корпусын салуға үкімет арнайы Республикалық бюджеттен қаражат бөлген. Бұл жоба "Жұмыспен қамтудың жол картасы-2020" бағдарламасына енді.
Облыс әкімі Құмар Ақсақалов оқу корпусы облыс орталығында оқитын мектеп оқушылары мен студенттердің болашақтары жарқын болу мақсатында салынып жатқанын айта кетті. Сондай-ақ ол біздің университет үшін 244 және 306 орындық жатақханалардың құрылысы жүріп жатқанын хабарлады. Бүгінгі таңда жұмыс қарқынды түрде өрбуде және құрылыс келесі жылы бітеді деп күтілуде.
Күрделі жөндеу жұмыстарынан кейін жаңа оқу корпусын сапалы жабдықтармен қамтамасыз ететін болады. Бұл ғимараттың ерекшелігі ол заманауи стильде салынып жатыр. Оқу кешені 12 қабаттан тұрмақ, жалпы соммасы 7,1 млрд теңгені құрайды. Жаңа кешенде инженерия және цифрлық технологиялар, көлік және машина жасау, энергетика, радиотехника және басқа да 73 зертхана орналасады.
Сондай-ақ, оқу корпусына "GreenEnergy", "Smarttechnology", "Модельдеу, қатарлас есептеу және BigData", "Робототехника және жасанды интеллект", "Пилотсыз ұшу аппараттары", "Бақылау - өлшеу жүйелерін бағдарламалау", "Киберқауіпсіздік және деректерді қорғау" зертханалары және "Starpins технологиясы-жұлдызды аспан" павильоны кіреді.
Айта кеткен жөн, мұндай құрылыс өңіріміздегі бірінші заманауи ғимарат болмақ. Болашақта студенттер, магистранттар мен қоса доктаранттар осы лабораториялық корпусқа келіп тәжірибе алуға мүмкіндік бар. Құрылысты аяқтау 2021 жылы жоспарлануда.
