Жаңа мүмкіндіктерге жол бастау ретінде, жоғары оқу орындарының білім беру жүйесіне инновациялық технологияларды енгізу мақсатында видеостудия өз жұмысын атқармақ. Барлық әлем қазіргі уақытта қашықтықтан оқыту жүйесіне көшкен кезеңде мұндай студия өзекті, әрі оқытушылар мен студенттерге пайдалы жүйе болып табылады.
Сонымен қатар, аталмыш студия «Цифрлық Қазақстан» мемлекеттік бағдарламасын іске асыруға өз үлесін қосады. Бұл кеңістік оқытушыларға 3D форматында бейне дәрістер жазуға, виртуалды зертханалар мен жаппай ашық онлайн курстар құруға, электрондық оқулықтар дайындауға, осылайша оқу процестерін жаңартуға мүмкіндік береді.
Кәсіби жабдықтар студияның қабырғаларында ғана емес, зертханаларда, IT сыныптарда және өндірісте өте жоғары ажыратымдылықтағы бейнені түсіруге үлкен мүмкіндік береді.
Студияның ашылуы салтанатты түрде өтті. Жаңашыланған жабдықтармен қамтамасыз етілген студияны ашу СҚО білім басқармасының басшысы Гульмира Каримова мен «Өрлеу» БАҰО» АҚ СҚО филиалының директоры Алма Мурзалимова және Басқарма төрағасының-ректордың м.а. Ербол Исақаев бұйырды. Атаулы шара болашақта білімгерлердің оқу жүйесінің арту сапасын көтерері сөзсіз. Оқу ордамыздың білімгерлері заманауи құралжабдықтардың арқасында тәжірибелерін одан әрі шыңдауға мүмкіндік алады.
