Тулаев Виктор Константинович 1962 жылы «Дене шынықтыру және спорт» маманы атанды. Сол жылдан бері ол осы салада өзін шыңдап келеді. Оқу орнын бітіргеннен кейін К. Д. Ушинский атындағы Петропавл педагогикалық институтына жіберілді. Университеттегі ғылыми-педагогикалық жұмыс өтілі - 58 жылды құрайды.
Виктор Тулаевтың білім ордамызда жұмыс атқару барысы 1979 жылдан бастау алды. Осы жылдан бастап «Дене шынықтыру теориясы» кафедрасын басқарды. Университеттегі жұмысы кезінде Виктор Тулаев өзін құзыретті маман ретінде көрсете білді. Өткізген сабақтары әрдайым жоғары кәсіби және әдістемелік деңгейімен ерекшеленеді. Осындай тәжірибелерінің арқасында ол 1996-2003 жылдары Қозыбаев университетінің «Дене тәрбиесі» факультетінің деканы болып сайланды. 2011-2014 жылдары «Спорттық пәндер» кафедрасын басқаруға мүмкіндік алды.
Бүгінде білім ошағымыздың қабырғасында Виктор Тулаевтың туған күні аталып өтті.Ол 58-ге жуық өмірін спорт саласына арнаған. Осы салада шәкірттер тәрбиелеп шығарған,осы тұста оның еңбегі зор екенін айта кеткен жөн. Салтанатты кешке мерейтой иесін құттықтауға оның жақындары жиналды.
Аталмыш шарада оқу ордамыздың Басқарма төрағасының - ректордың м.а. Ербол Исақаев сөз алды. Ол өзінің құттықтау сөзінде мерейтой иесінің оқу ордамызға сіңірген елеулі еңбегін атап өтпеске болмайтынын еске салды. Сонымен қоса ғалымға Құрмет грамотасын табыс етті.
Өңіріміздің ұлы тұлғасының мерейтойына орайластырылған кездесуінде ұстаздың шәкірттері де бой көрсетті. Олар өз ұстаздарының еңбегіне тоқтала кетіп, бірлесіп жұмыс жасаған өте ыңғайлы екенін де атап өтті.
