Қазақстан халқы Ассамблеясының 25 жылдығына орай Қозыбаев университетінде «Қазақстан халқы Ассамблеясы» кафедрасы Қазақстан этностарының тарихы мен мәдениеті туралы білімдерін кеңейтуге, қазақстандағы бірегейлікті нығайтуға, ҚХА «Әртүрліліктегі бірлік» атты стратегиялық қағидасын жүзеге асыруға, қоғамдағы этникалық қисыншылдықтарды жоюға бағытталған «Халықтану» жобасын жасады.
Жобаны іске асыру кезінде Қазақстан халқы Ассамблеясының Солтүстік Қазақстан этномәдени бірлестіктерінің өкілдері және жоғары оқу орнының оқытушылары, қызметкерлері мен студенттері қатарынан этникалық топтардың өкілдері тартылды. Оқу жылы барысында барлық мамандықтағы студенттер үшін, оның ішінде шетелдік студенттер үшін тарих және мәдениет бойынша кең жоспарлы ақпарат ұсынылды: қазақтар, орыстар, украиндықтар, немістер, татарлар, поляктар, әзірбайжандар, армяндар мен үндістер. Бұл жоба жоғары оқу орнында, өңірде, республикада кең пікірлерге ие болды.
«Халықтану» жобасы одан әрі дамытылды. Өзбек халқының тарихи-мәдени мұрасын Нұр-Сұлтан және Алматы қалаларындағы өзбек этномәдени орталықтарының қызметінің жариялануы жаңа оқу жылындағы алғашқы бағыт болды. Дәстүрлі түрде «Халықтану» интерактивті білім беру лекториясында Қазақстан, Үндістан мен Бангладештің барлық аймақтарында орналасқан 400 студент үшін, «Өзбектер» тақырыбы бойынша 3 тілді дәріс өтті.
Сарапшылар ретінде, Равшан Назаров - Өзбекстан Республикасы Ғылым Академиясы тарих институтының жаңа және қазіргі заман тарихы бөлімі меңгерушісінің орынбасары; Шерзод Пулатов - Қазақстан халқы Ассамблеясы төрағасының орынбасары, Нұр-Сұлтан қаласы «Өзбек этномәдени орталығы» қоғамдық бірлестігінің төрағасы, кәсіби медиатор (АҚШ Медиация магистрі); Абдухалил Уралбаев- Алматы қ. Өзбек этномәдени орталығының бірінші орынбасары, «Дустлик» Қазақстан Республикасы өзбектердің этномәдени бірлестіктері қауымдастығы кеңесінің мүшесі; Аминулло Каримов– Вильнюс университетінің «Вильнюс технологиялық университетінің «Ақпараттық жүйелер және кибер қауіпсіздік» білім беру бағдарламасының 3 курс студенті (Литва); Олег Синяков–«Қоғамдық даму және ақпарат орталығы» КММ сарапшы-талдаушысы, гуманитарлық ғылымдар магистрі қатысуға мүмкіндік алды.
Осы жылғы жобаның жаңалығы онлайн режимінде дәрістер өткізу, республикалық және шетелдік сарапшыларды тарту, студенттердің дәрістерді бағалау жүйесін енгізу болды.
