Студенттердің кәсіптік тәжірибесі жоғары оқу орындарының білім беру бағдарламасының ажырамас бөлігі болып табылады және дайындық бағыты мен өту орнына байланысты әртүрлі форматтағы білім беру бағдарламасының ерекшеліктері негізінде жүзеге асырылады. Тәжірибеден өту дәстүрлі, қашықтық, аралас түрінде ұйымдастырылады.
Студенттер үшін қашықтықтан оқыту технологияларын қолдана отырып, оқу үдерісі шеңберінде кәсіби тәжірибені ұйымдастырудың ережелері мен нұсқаулары дайындалды.
Күзгі семестрде кәсіптік тәжірибеге барлығы 1303 студент жіберілді. Оның ішінде 1158 күндізгі бөлім білім алушылары, 22 студент сырттай бөлім, 139 магистрант және 6 докторант.
Педагогикалық бағыттың 3 курс 649 студенттері Солтүстік Қазақстан облысының білім басқармасының сұранысы бойынша Петропавл қаласы және Солтүстік Қазақстан облыстарындағы 186 білім беру мекемелерінде цифрлық көмекші ретінде өндірістік (педагогикалық) практикадан өтуге жіберілді. «Қазақ мектеп-гимназиясының» КММ директордың орынбасары Айгүл Темірболатқызының айтуынша қазіргі таңда дәстүрлі түрде тәжірибеден өтіп жүрген студенттер өздерін жан-жақты көрсетуде. Студенттердің 27-сі дәстүрлі форматта, ал 29-ы қашықтықтан тәжірибе өтуде. Тәжірибе мерзімі 1 қыркүйек- 12 желтоқсан аралығында өтпек.