Ағымдағы жылдың қыркүйек айынан бастап Қазақстанда педагогикалық мамандық студенттеріне шәкіртақы 42000 теңгеге дейін көтерілді. Қозыбаев университетінде оны 1900-ге жуық адам алмақ.
Бұл шара ҚР Президенті Қасым–Жомарт Тоқаевтың ұлттық қоғамдық сенім кеңесінің үшінші отырысында айтқан тапсырмасы бойынша жүзеге асырылуда.
Мұғалімнің беделі мен мәртебесін арттырудың тағы бір тетігі талапкерлер үшін шекті баллды 65-тен 70-ке дейін арттыру болды. Біздің ЖОО-да педагогикалық мамандықтарға биыл 400-ге жуық адам оқуға түсті. Педагогикалық бағыт бойынша бакалавриатта барлығы 3134 студент білім алады.
Стипендияның көтерілуі докторанттарға да қатысты болды, қыркүйектен бастап олар 150 мың теңге алады, естеріңізге сала кетейік, бұған дейін төлем 102 мың теңгені құраған болатын.
Бүгінгі күні университетте білім алушылардың жалпы саны 7,5 мыңнан астам адамды құрайды.