Қазақстан Республикасының Тұңғыш Президенті-Елбасы Нұрсұлтан Назарбаевтың «Абай аманаты» атты мақаласына университетіміздің оқытушылар мен профессорлық құрамы талдау жасады.
Онда Тұңғыш Президент Абайды алғаш таныған сәтінен бастап, ақынның өсиеттері өміріне қалай әсер еткеніне дейін жазған. Әрі ұлы ойшылдың ғибраттары ел басқарудағы іс-әрекетіне ықпалы жайында жан-жақты баяндайды. Мәселен, Елбасының Қазақстан халқы Ассамблеясын құру туралы шешімі ақынның «Адамзаттың бәрін сүй бауырым деп..» қағидасымен іштей үндесіп жатыр.
Шара Zoom платформасы арқылы ұйымдастырылды. Өткізілген жиында қонақтар Абай атамыздың шығармашылығына тоқтала кетіп, туындыларын жастарға дәріптеу керек екендігін тілге тиек етті. Қозыбаев университетінің тәрбие жұмысы және әлеуметтік мәселелер жөніндегі проректор, конференция модераторы Нұрлан Байымбетов ең алдымен құттықтау сөз алып, конференцияға қатысушыларды таныстырды. Шарада «Журналистика» кафедрасының профессоры Тайшыбай Зарқын Сыздықұлы сөз сөйлеп, Абайдың қазақ ұлттың кодын қалыптастыруға әсері қандай екенін айта кетті. Ұйымдастырылған конференция талқылау, сұрақ – жауап түрінде өткізілді. Шара соңы студенттердің авторлық өлеңдерді оқумен жалғасын тапты.
