Біз ЖОО оқытушыларын қолында кітабы бар, зертханада, компьютерде немесе ғылыми конференцияларда сөз сөйлеуші ретінде көруге үйреніп қалдық. "Отбасы объективінде" байқауы тәлімгерлер мен әріптестерге басқа қырынан қарауға мүмкіндік берді: жылы отбасылық жағдайда, махаббат пен жайлылықта. Сайысты Қозыбаев университетінің қызметкерлері мен ПОҚ арасында тәрбие және әлеуметтік жұмыс департаменті өткізді. Қатысушылар өздерінің отбасылық суреттерін сандық форматта бағыттап, университеттің ресми әлеуметтік желілерде орналастырды. Жеңімпазды апта ішінде барлық тілек білдірушілер ең көп лүпілмен анықтады.
Қатысушылар үшін бір жарым, үш, төрт мыңнан астам "жүректер" мен оң пікірлер жазылды, пайдаланушылар мен жазылушылардың бұрын соңды болмаған белсенділігі бірден көрінді. Отбасылық құндылықтар бәріне жақын әрі түсінікті! Жаңа рөлде көруге қызығушылық танытқан студенттер өз ұстаздарына белсенді дауыс берді. Міне, қорытынды жасалды.
1 орынды "Орыс тілі мен әдебиеті" кафедрасының доценті Жанар Дарбаева иеленді! Дауыс беру тоқтаған кезде ол 3936 лүпіл жинаған. Қазір олардың саны едәуір артты.
2 орын "География және экология" кафедрасының оқытушысы Ирина Лаптеваға бұйырды, оны 3415 адам қолдады.
Үшінші орынды 1296 лайк нәтижесімен "Орыс тілі мен әдебиеті" кафедрасының оқытушысы Айсәуле Қақпанова иеленді.
ТЖӘМ жөніндегі проректор Нұрлан Баимбетов барлық қатысушыларды құттықтап, дипломдар және жеңімпаздарға естелік сыйлықтар табыс етті. Байқауға Қозыбаев университетінің 8 оқытушы отбасысы қатысты.
