Kozybayev University тұрақты түрде сыртқы стейкхолдерлерге, студенттер мен оқытушыларға сауалнама жүргізеді. Бұл білім алушылардың қажеттіліктері мен үміттерін ескеруге, түлектердің құзыреттеріне, ПОҚ-ның педагогикалық қызметіне тәуелсіз баға беруге, яғни білім беру қызметтерінің деңгейін арттыруға мүмкіндік береді.
Өткен оқу жылында студенттердің, магистранттардың және докторанттардың ПОҚ педагогикалық қызметінің сапасын, әріптестерінің кәсіби қасиеттерін, өзін-өзі оқшаулау жағдайындағы балалардың эмоционалдық жағдайын бағалау бойынша 11 000-нан астам респондентті қамти отырып, 11 түрлі сауалнама жүргізілді. Сонымен қатар, қашықтықтан оқытуды ұйымдастыру, әскери кафедрада даярлау, ЖОО-да Академиялық адалдық қағидаттарын іске асыру, сондай-ақ білім алушылардың зерттеу дағдыларының деңгейін анықтау және т.б. мәселелер бойынша сауалнама жүргізілді.
Бұдан басқа, біздің бұрынғы студенттеріміз еңбек ететін ұйымдар мен кәсіпорындардың 115 жұмыс берушілері мен жетекші мамандарынан сауалнама алынды. Олар Kozybayev University түлектерінің 35 негізгі құзыреттілігін бағалады. 2016 жылдан бері алғаш рет респонденттер өздерінің кәсіби біліктері мен дағдыларын жақсартуды талап ететінін атап өткен жоқ, ал білім деңгейі мен бәсекеге қабілеттілігі "жоғары" және "өте жоғары" деп саналды. Жұмыс берушілердің 60% жұмысқа қабылдау кезінде біздің альма-матердің түлектеріне басымдық береді. Ал 73% бұл мамандарды өз әріптестеріне ұсынады. Жан-жақты талдау негізінде жеке, ұйымдастырушылық, басқарушылық және тілдік құзыреттерді күшейту ұсынылды.
Бакалавриат және магистратура түлектері жыл сайын білім беру процесінің сапасына, оның нәтижелеріне, сондай-ақ оқу және жатақханаларда тұру жағдайларына баға береді. Бірнеше жыл бойы өздерінің эдвайзерлері мен дипломдық/курстық жобалар жетекшілерінің жұмыс деңгейі, базалық, арнайы және жалпыға міндетті пәндердің сапасы жоғары болып саналады. 2020 жылғы түлектер тамақтандыруды ұйымдастыру және медициналық сүйемелдеу деңгейін, аудиториялық қордың жай-күйін, зертханалық жабдықтармен, көрнекі материалдармен қамтамасыз етілуін жоғары бағалады. Сауалнама нәтижелері көрсеткендей, 71%-ға білім ордамызда оқу ұнады, және олар қайта оқуға түссе біздің ЖОО-ны қайта таңдайтын еді. Жылдан жылға соңғы курсты аяқтаған кезде болашақ жұмысының орнын білмейтін түлектердің пайызы төмендейді. Сонымен қатар, өз бетінше жұмысқа орналасқандардың, сондай-ақ университет ұсынған лауазымдардың пайызы өсуде.
"ПОҚ студенттер көзімен" сауалнамасы 2008 жылдан бері тұрақты өткізіліп келеді. Әр оқытушы бойынша нәтижелерді кафедра меңгерушілері ұсынады. Бірнеше жыл бойы тақырыпты білу, талап қою, өзіндік жұмысты ұйымдастыру, ұйымдастыру және өзін-өзі жинау сияқты қасиеттер ең жоғары бағаланады.
Әріптестермен оқытушылардың кәсіби қасиеттерін бағалау бойынша сауалнама нәтижелері олардың кәсіби саладағы құзыреттілігі, әріптестермен және студенттермен қарым-қатынаста этикалық нормаларды сақтау, жеке және кәсіби өзін-өзі дамытуға ұмтылу, жанжалдарды сындарлы шешу дағдылары үшін жоғары балл жинайтындығын көрсетті. ПОҚ-ның ғылыми зерттеулерге қатысуы, оқытудың инновациялық әдістері мен ақпараттық технологияларды қолдануы жетілдіруді талап етеді.