Білім мен тіл ұштастыру өнеріне құштар ұл-қыздың басын білім ордамызда өткен дебат ойыны қосты. Қозыбаев университетінің қабырғасында осы оқу жылындағы өткен алғашқы дебат турнирі болып саналады. Бір күнге созылған турнирде қатысушылар Америкалық үлгіде пікір сайыстырып, ақтық кезең үшін жарысты. Ойынды ұйымдастырушылар «The Last hope» ҚБ, «Адалдық Алаңы» ҚБ , ТӘЖД және «Sanaly urpaq» жобалық кеңсесі болып табылады.
Турнирде 6 команда өз бақтарын сынға салды, оның ішінде Солтүстік Қазақстан кәсіптік педагогикалық колледжінің қатысушыларыда өз біліктіліктерін көрсете білді.
Ойынға қатысушылар 8 раунд бойынша сайысқа түсті. Халқымыздың «Білекті бірді, білімді мыңды жығады» деген ұлағатты сөзі білімнің баға жетпес үлкен рухани қару екендігін, сонымен қатар аса зор өндіргіш күш екенін осындай ойындардан түсінуге болады.
Нәтижесінде 6 команданың ішінен суырылып шыққан үздік топтар көпшілік алдында толғамды тұжырымдарын дәлелдеп, ерекше көзге түсті. 1 орынды «Sun Way» командасының студенттері Сона Авраамян (ИСТФ) және Тимур Айтуллин (ТЭҚФ), 2 орынды «Singularity» командасы Евгений Соловьев пен Никита Зайцевский (ТЭҚФ), 3 орынды ЖММ студенттері «Лунтик и Луна» командасының қатысушылары Лиана Долганова, Ян Грушин иеленді. Турнирдің ең жақсы спикері ретінде Махаббат Какунованы сайлады.
