Ерікті немесе еріктілік, волонтерлік - бұл ақшалай сыйақыларды талап етпестен көпшіліктің мүддесі үшін ерікті түрде жүзеге асырылатын өзара көмек. «Qamqor» - бұл 20-ға жуық белсенділер мен ондаған қамқор адамдарды біріктіретін еріктілер қозғалысы.
Бұл қайырымды іс туралы ой университет қабырғасында «Педагогика және психология» мамандығында оқитын студенттер тобы арасында пайда болған. Қыздар бірінші курсқа келгенде, олардың ұстазы Айгүл Айтымова жақсылық жасауды және мұқтаж жандарға көмек қолын созу керектігін түсіндіреді. Енді олардың әлеуметтік желілерде өздерінің жеке парақшаларымен қоса облыстың мекемелерімен және қоғамдық бірлестіктерімен, сондай-ақ материалдық қолдауға мұқтаж отбасылармен өзара әрекеттесу механизмі жақсы жұмыс істейді. Жақында олар ақша жинап, ауылдан келген қызға қашықтықтан білім алуы үшін қайырымдылық кештерін өткізіп, сыйлықтар тарту етіп, өмірлік қиын жағдайға тап болған отбасыларға қаражат жинап смартфон сатып алған.
Университетіміздің студенті Жамиля Тұяқбаева қайырымдылық жұмысқа үлкен ықыласпен қатысады. Волонтерлық жұмысы үшін ол жылдың еріктісі атағын және ақпараттық технологиялар министрлігі мен облыс әкімінің алғыс хаттарын алған. Оның айтуынша қайырымды іс жасау оның сүйікті істерінің бірі болып табылады. Карантинге дейінгі кезеңде қыздар жыл сайын қайырымдылық жәрмеңкелерін ұйымдастырған, олардан жиналған барлық қаражат мұқтаж жандарға көмек беру үшін жұмсалғандарын айта кетті. Қазір олар әлеуметтік желілер арқылы көмек керек жандарға қол ұшын созуда. Жиналған және аударылған қаражаттың барлық түбіртектері, сондай-ақ фотосуреттер мен бейне есептер жарияланды.
