Суық мезгіл таяп қалды. Яғни бұл кезеңде денсаулықты қалай қорғауға болатындығы туралы ақпарат өзекті болмақ. Осыған орай Денсаулық сақтау пунктінің дәрігерлері жатақханада тұратын студенттермен кездесу өткізді. "Грипп, тұмаудың алдын алу. Коронавирустық инфекция" жиынның негізгі тақырыбы болды.
Студенттерге ағзаның жоғары иммунитетін сақтауға не көмектесетінің айтты: салауатты өмір салтын жүргізу, дұрыс тамақтану, витаминотерапия, дене шынықтыру және спортпен айналысу, шынығу, үй-жайларды желдету. Эпидемияға қарсы талаптарды сақтау маңызды аспект болып табылады.
Біздің ЖОО-да бұған ерекше көңіл бөлінеді. Білім беру объектілерінің санитарлық-эпидемиологиялық талаптарға сәйкестік регламенті әзірленді, оның әрбір тармағы университетте орындалады. Бұл жеке қорғаныс құралдарын (маскалар, қолғаптар) пайдалану және оларды уақтылы ауыстыру, үй - жайларды дезинфекциялық өңдеу, термометрия, адамдарды әлеуметтік алыстату, үстелдерді аудиториялар мен кабинеттерге бір-бірінен кемінде 1,5-2 метр қашықтықта орналастыру.
Адамдардың үй-жайларда бір мезгілде болуы олардың жобалық қуатының 40-50%- нан аспаған кезде мүмкін, міндетті түрде кварцтау және желдету жүйесінің дұрыс жұмыс істеуі тиіс. Кампустың барлық корпустары антисептикалық құралдармен, санитайзерлермен жабдықталған. Толық көрнекі профилактикалық ақпарат стендтерде, оның ішінде 180 студент тұрып жатқан жатақханаларда орналастырылған.
Оларға ерікті вакцинациялау мүмкіндігі берілді. Денсаулық сақтау пунктінде оны 87 оқушы алды. Сондай-ақ, кездесуде дәрігерлер барлық қатысушыларды көрнекі құралдармен, буклеттермен қамтамасыз етті.
