«Ұлы даланың ұлы тұлғалары» эссе байқауы

М.Қозыбаев атындағы Солтүстік Қазақстан университеті Тіл және әдебиет институты   «Практикалық қазақ тілі» кафедрасының ұйымдастыруымен  2020 жылдың  8-25 қазаны аралығында  Әбу Насыр әл-Фарабидің 1150 жылдық мерейтойын атап өту аясында  «Ұлы даланың ұлы тұлғалары» тақырыбында эссе байқауы   өткізілді.    

Эссе байқауын өткізудің мақсаты – орта арнаулы оқу орындары, орта мектеп оқушыларын, ЖОО білім алушыларын Отанды сүюге, өз елін, тарихын  білуге  ынталандыру; сонымен қатар жастардың  бойында  ұлттық  сананы оята отырып, олардың туған халқына деген құрмет, сүйіспеншілік, мақтаныш сезімін ұялату, ұлттық рухты сіңіру. Шараға қала мектептерінің 11-сынып оқушылары, жоғары және орта арнаулы оқу орындарының І курс студенттерін қатыстыру мақсатында ережесі жолданды.

         Қатысушылардың жұмысын  2020 жылдың 25 қазанына дейін қабылданды.

Эссені ресімдеуге және бағалауға қойылатын талаптар төмендегідей болып анықталды:

• Кіріспе

- риторикалық сұрақ қою;

• Негізгі бөлім:

- тезис жасау арқылы тақырыпты ашу;

- аргумент арқылы дәлелдеу.

• Қорытынды жасай отырып өз пікірін білдіре алу.
• Грамматикалық жағынан дұрыстығы:

- тақырып бойынша ой жүйесі;

- стилі;

- емлелік қателер;

- тыныс белгілерінің дұрыс қойылуы;

• Эссенің ресімделуі:

- Көлемі 2 - 2,5 бет;

- Times New Roman, 12 шрифт.

            Талапқа сәйкес келіп түскен жұмыстардың саны – 15 (бұл жұмыстардың үшеуі орыс тілінде ұсынылғандықтан қарастырылған жоқ). Байқау туралы хабарлама облыстың барлық білім беру мекемелеріне уақытылы таратылғанына қарамастан эссе жұмыстары аз түсті. Байқауға М.Жұмабаев атындағы Жоғары колледжді аса белсенділік танытты (12 оқушы), «№ 21 орта мектеп» КММ (1 оқушы), «ЛОРД дарынды балалар үшін мамандандырылған облыстық мектеп-лицей-интернаты» КММ (1 оқушы) қатынасты.

            Ұсынылған эссе жұмыстарын тексеру барысында төмендегідей қорытындылар шығарылды:

• білім алушылар эссе жазу әдістемесін әлі де жетілдіру қажет;
• қарастыратын тақырып бойынша тезис жазуда қиыншылықтар бар;
• дәлелдемелер келтіру арқылы тақырыпты жан-жақты сипаттауда ғаламтор материалдарын тұтас көшіруге жол берілген тұстары байқалады;
• өз пікірлерін айтып, қорытынды жасауда да ғаламтор беттеріндегі материалдардан көшірілгені байқалады.

Дегенмен, Шакай Мадина, Восипенок Екатеринан деген білім алушылардың жұмысын атап айтқан

жөн. Аталған студенттер өз жұмыстарында ұсынылған тақырыпты жан-жақты зерделеп, өз пайымдауларын баяндауға тырысқан.

            Жұмыстарды тексеру қорытындысы бойынша М.Жұмабаев атындағы Жоғары колледждің оқушысы Шакай Мадина – І дәрежелі дипломмен, М.Жұмабаев атындағы Жоғары колледждің оқушылары Восипенок Екатерина, Макенова Айғаным – ІІ дәрежелі дипломмен, ЛОРД дарынды балалар үшін мамандандырылған облыстық мектеп-лицей-интернатының оқушысы Петровская Юлия, М.Жұмабаев атындағы Жоғары колледждің оқушылары– Құрмашева Арай ІІІ дәрежелі дипломмен марапатталды.