Қозыбаев университетінде С.Сәдуақасовтың 120 жылдығына арналған профессорлық-оқытушылық құрам мен студенттер арасында тоғыз-құмалақ ойынының сайысы өтті.
Смағұл Сәдуақасов - Қазақстанның әйгілі мемлекет қайраткері, жазушы, публицист, әдебиет сыншысы. Ол ана тілі мен ұлттық дәстүрлерді сақтауға, төл мәдениет пен тарихты насихаттауға өлшеусіз үлес қосты.
Іс-шараны «Nur Otan» партиясының «Болашақ» аумақтық филиалы ұйымдастырды. Жарыс салауатты өмір салтын насихаттап, білім ордамызда осы ұлттық спорт түрін студенттер арасында кеңінен тарату және дамыту мақсатында өткізілді.
Жалпы ойынға 2 адамнан тұратын 5 команда қатысты.Олар МжЖҒ, ТЭжҚ, АФ, ИжСТ, ТжӘИ құрамалары.
Интеллектуалды жекпе-жек нәтижесінде 1 командалық орынды математика және жаратылыстану ғылымдарының факультеті, екінші орынды инженерлік және цифрлық технологиялар факультеті, ал үшінші орынды агротехнологиялық факультеті иеленді.
Қыздар арасындағы жеке біріншілікте Кәмшат Құрсақова үздік деп танылса, Ерлан Маликов жас жігіттер арасында жеңімпаз атанды. Барлық жеңімпаздар мақтау қағаздарымен және алғыс хаттармен марапатталды.
