Қозыбаев университетінде жыл сайынғы Сапа апталығы басталды. Университет қабырғасында 15-ші рет өткізіліп жатқан шара дөңгелек үстел, конференциялар мен байқаулар және басқа да іс-шараларды қамтиды. Биыл олардың барлығы "Қашықтықтан оқыту: білім беру жүйесінің жаңа болмысы" атты ортақ өзекті тақырыппен біріктірілген онлайн форматта өтеді.
Сапа апталығы студенттер мен оқытушылардың шығармашылық қабілеттерін дамытуға бағытталған иновациялық әдістердің қолданылуына мүмкіндік береді. Сонымен қатар, қоршаған әлемге және жалпы сапа мәселелеріне тағы да егжей-тегжейлі назар аударуға көмектеседі.
Бірінші күні инженерлік-техникалық, экономикалық және IT - бағыттарының студенттері, магистранттары, ПОҚ үшін техникалық мамандықтардың білім беру үдерісінде виртуалды зертханалық тәжірибелерді пайдалану бойынша бірқатар семинарлар өткізіліп, ҚОТ қолдана отырып студенттерді дайындау кезінде MOODLE жүйесі құралдарының жұмыс істеу ерекшеліктері таныстырылды.
Сапа апталығы аясында барлығы 40-қа жуық іс-шара жоспарланып, барлық факультеттердің студенттерін қамтитын болады.
